ព័ត៌មានជាតិ

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងក្នុងពិធីអបអរសាទរការដំណើរការជាផ្លូវការ ១ ឆ្នាំ របស់សមាគមសហព័ន្ធអ្នកវិនិយោគកម្ពុជា និង ពិធីពិសាភោជនាហារសាមគ្គី ឆ្នាំ២០២៥ នាថ្ងៃទី ២០ ខែ មិថុនា ឆ្នាំ ២០២៥ ថា៖ កម្ពុជា រក្សា និងកសាងបាននូវទំនុកចិត្តពីបណ្ដាវិនិយោគិន និង ប្រជាជន ទាំងក្នុង និង ក្រៅប្រទេស ដោយសារកម្ពុជាសម្បូរទៅដោយកត្តាអំណោយផលប្រកបដោយសក្ដានុពលជាច្រើន ។ ក្នុងនោះ, កត្តាចម្បងដែលមិនអាចខ្វះបានគឺ៖ សុខសន្តិភាព និង ស្ថិរភាព នៅទូទាំងប្រទេស ។ រាជរដ្ឋាភិបាលកម្ពុជា ប្ដេជ្ញាបន្តថែរក្សា, ការពារ សន្តិភាព និង ស្ថិរភាពពេញលេញ ទោះក្នុងតម្លៃណាក៏ដោយ ដើម្បីការអភិវឌ្ឍ និង ភាពសុខដុម, ទាំងការវិនិយោគ និងការរស់នៅរបស់ប្រជាជន ។ រាជរដ្ឋាភិបាល បន្តគិតគូរ និងយកចិត្តទុកដាក់ខ្ពស់ លើការអភិវឌ្ឍហេដ្ឋារចនាសម្ព័ន្ធ ជាមួយនឹងការអភិវឌ្ឍធនធានពលកម្មវ័យក្មេង ប្រកបដោយភាពប្រកួតប្រជែងខ្ពស់…

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នាល្ងាចថ្ងៃសុក្រ ទី២០ មិថុនា ២០២៥ អញ្ជើញចូលរួម អបអរសាទរដំណើរការជាផ្លូវការ ១ឆ្នាំរបស់សមាគមសហព័ន្ធ អ្នកវិនិយោគកម្ពុជា និងពិសាភោជនាហារសាមគ្គីឆ្នាំ២០២៥ ។ សមាគមសហព័ន្ធអ្នកវិនិយោគកម្ពុជា បានចងក្រងប្រមូលផ្តុំនូវសមាសភាពសមាគមនីមួយៗ ឱ្យរួមគ្នាជាថ្នាលធំមួយ ដើម្បីពង្រឹង និងពង្រីកសកម្មភាពទាក់ទាញវិនិយោគិនបរទេសមកពីគ្រប់ប្រទេស ដើម្បីចូលមកបណ្តាក់ទុនក្នុងប្រទេសកម្ពុជាជាអតិបរមា ដែលជាការរួមចំណែកដល់ការអភិវឌ្ឍសេដ្ឋកិច្ចជាតិ ស្របតាមគោលនយោបាយរបស់រាជរដ្ឋាភិបាលកម្ពុជា។កម្ពុជាមានទីតាំងជាចំណុចកណ្តាលនៃតំបន់អាស៊ីអាគ្នេយ៍ និងជាច្រកទីផ្សារដ៏ធំទូលាយ រួមជាមួយកត្តាសុខសន្តិភាពពេញលេញ ស្ថិរភាពនយោបាយ សន្តិសុខ សុវត្ថិភាព លំនឹងម៉ាក្រូសេដ្ឋកិច្ច ធនធានមនុស្ស កម្លាំងពលកម្មវ័យក្មេង និងសកម្មជាច្រើន និងការអភិវឌ្ឍឥតឈប់ឈរលើហេដ្ឋារចនាសម្ព័ន្ធគ្រប់ប្រភេទ ដែលផ្តល់ភាពងាយស្រួលសម្រាប់ផលិតកម្ម និង ការដឹកជញ្ជូន ជាពិសេសការគាំទ្រ ការលើកទឹកចិត្ត ពីសំណាក់រាជរដ្ឋាភិបាល ដែលធ្វើឱ្យកម្ពុជាក្លាយជាទីតាំងដ៏មានសក្តានុពលខ្លាំងក្លាសម្រាប់ការវិនិយោគគ្រប់ប្រភេទ ប្រកបដោយជំនឿទុកចិត្តខ្ពស់ ៕

ក្រោយការអនុវត្តការងារកែទម្រង់រដ្ឋបាលសាធារណៈរយៈពេល ២១ខែកន្លងទៅ ក្រសួងមុខងារសាធារណៈ នឹងរៀបចំវិបស្សនាស្តីពី «ការអនុវត្តវិធានការគន្លឹះទាំង៣ក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាលនីតិកាលទី៧ និងការធ្វើជំរឿនមន្រ្តីរាជការ» ដើម្បីផ្សព្វផ្សាយ ចែករំលែក និងទទួលយកធាតុចូលថ្មីៗបន្ថែមទៀតជាមួយ ថ្នាក់ដឹកនាំ និងមន្រ្តីរាជការនៃក្រសួងមុខងារសាធារណៈ។ កិច្ចប្រជុំឆ្ពោះទៅការរៀបចំវិបស្សនាស្តីពី «ការអនុវត្តវិធានការគន្លឹះទាំង៣ក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាលនីតិកាលទី៧ និងការធ្វើជំរឿនមន្រ្តីរាជការ» ក្រោមអធិបតីភាព ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងាសាធារណៈ។

ឯកឧត្តម សុខ​ ចាន់ភក្តី រដ្ឋលេខាធិការក្រសួងព័ត៌មាន ទទួលបន្ទុកកិច្ចការងារសមាគមអ្នកសារព័ត៌មានកម្ពុជា និងកសាងបណ្តាញយុវជនក្នុងវិស័យព័ត៌មាន ក្រសួងព័ត៌មាន និង ឯកឧត្តម លោកជំទាវ ជាប្រធានសមាគមព្រមទាំង សហការី សមាជិក សមាជិកាទាំងអស់ នៃសមាគមអ្នកសារព័ត៌មាននៅកម្ពុជា បានចេញញត្តិគាំទ្រចំពោះចំណាត់ការដ៏ម៉ឺងម៉ាត់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការដោះស្រាយបញ្ហាព្រំដែនរវាងកម្ពុជា-ថៃ៕

រដ្ឋបាលខេត្តប៉ៃលិន ត្រៀមរថយន្តក្រុង ដឹកពលករខ្មែរ ដែលវិលត្រឡប់ ចូលមកស្រុកកំណើតវិញ និងរៀបចំក្រុមការងារទទួលចុះឈ្មោះផ្តល់ការងារជូនបន្ថែមទៀតយោងតាមហ្វេសបុកផេកផ្លូវការ របស់លោកស្រី បាន ស្រីមុំ អភិបាល នៃគណៈអភិបាលខេត្តប៉ៃលិន បានបញ្ជាក់ថានៅថ្ងៃទី១៤ ខែមិថុនា ឆ្នាំ២០២៥នេះថា៖ រដ្ឋបាលខេត្តប៉ៃលិន ប្រាប់ពលករខ្មែរមានបំណងវិលត្រឡប់មកស្រុកកំណើតវិញថា រដ្ឋបាលខេត្ត មន្ទីរការងារខេត្ត រង់ចាំជួយសម្របសម្រួល នៅច្រកទ្វារអន្តរជាតិព្រំ ខេត្តប៉ៃលិន ក្រុមការងារទទួលចុះឈ្មោះផ្តល់ការងារជូន និង ត្រៀមរថយន្តក្រុង ដឹកពលករទៅដល់លំនៅដ្ធានគ្រប់ខេត្តក្រុង ។ ករណីពលករខ្មែរកំពុងស្ថិតនៅក្នុងប្រទេសថៃ ជួបបញ្ហា មិនទាន់បើកប្រាក់ គ្មានមធ្យាបាយធ្វើដំណើរមកដល់ព្រំដែនកម្ពុជាយើង តែមានបំណងចង់វិលត្រឡប់ទៅស្រុកកំណើតសូមទំនាក់ទំនងតាមលេខ ទូរស័ព្ឌខាងក្រោមនេះ 0975 79 78 78 / 0883696666៕ដោយ÷សេង សុវណ្ណារិទ្ធ

សមាគមសម្ព័ន្ធយុវជនដើម្បីសន្តិភាព នាថ្ងៃទី១៣ ខែមិថុនា ឆ្នាំ២០២៥ បានទទួលបានលិខិតថ្លែងអំណរអរគុណពីសាខាកាកបាទក្រហមកម្ពុជាខេត្តក្រចេះ ។ក្រោយពីសមាគមសម្ព័ន្ធយុវជនដើម្បីសន្តិភាពបានជួយឧបត្ថម្ភនូវថវិកា ក្នុងឱកាសអបអរសាទរខួបលើកទី១៦២ ទិវាពិភពលោកកាកបាទក្រហមនិងអឌ្ឍចន្ទក្រហម ៨ ឧសភា ២០២៥ និងខួបលើកទី ៧០ឆ្នាំ នៃកាកបាទក្រហមកម្ពុជា ក្រោមមូលបទ “រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់និងអាកាសធាតុ”។ សាខាកាកបាទក្រហមកម្ពុជា ខេត្តក្រចេះ និងយកចិត្តទុកដាក់ប្រើប្រាស់ថវិកាអំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ ជួយដល់ប្រជាពលរដ្ឋដែលជួបការលំបាក រងគ្រោះដោយសារគ្រោះធម្មជាតិនិងរងគ្រោះដោយសារគ្រោះមហន្តរាយផ្សេងៗ។ ទាំងនេះជាការចូលរួមចំណែកជាមួយរាជរដ្ឋាភិបាលកម្ពុជាក្នុងការកាត់បន្ថយភាពក្រីក្ររបស់ប្រជាពលរដ្ឋផងដែរ៕

[English Below] Influencers ដ៏ល្បីរបស់បណ្តាញទូរទស្សន៍ Seoul Broadcasting System (SBS) ដ៏ធំរបស់កូរ៉េនឹងមកថតនៅកម្ពុជា រដ្ឋធានីសេអ៊ូល ប្រទេសកូរ៉េ៖ នារសៀលថ្ងៃទី៥ ខែមិថុនា ឆ្នាំ២០២៥ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ និងគណៈប្រតិភូជាន់ខ្ពស់ បានអនុញ្ញាតជូនតំណាងក្រុមហ៊ុន SBS និងក្រុម Influencer ដ៏ល្បី និងមានអ្នកគាំទ្រដ៏ច្រើននៅប្រទេសកូរ៉េ ចូលជួបសម្តែងការគួរសម ស្នើសុំអនុសាសន៍ដ៏ខ្ពង់ខ្ពស់ និងការគាំទ្ររួមទាំងកិច្ចសហការពីក្រសួងទេសចរណ៍លើគម្រោងនាំក្រុម Influencers ដ៏ល្បី និងមានអ្នកគាំទ្រជិត១លាននាក់ក្នុងម្នាក់មកថតពីសក្តានុពលទេសចរណ៍ដ៏ល្អៗ របស់កម្ពុជា។ ឆ្លៀតក្នុងឱកាសនេះ ឯកឧត្តមរដ្ឋមន្រ្តី បានថ្លែងនូវអំណរគុណ ព្រមទាំងកោតសរសើរ និងវាយតម្លៃខ្ពស់ចំពោះគំនិតផ្តួចផ្តើម ដ៏ល្អរបស់ក្រុមហ៊ុនដែលជួយបង្ហាញពីសក្តានុពលទេសចរណ៍ដ៏សំបូរបែប ជាពិសេសគឺការស្វែងយល់ច្បាស់ និងទំនុកចិត្តរបស់ក្រុមហ៊ុនពីស្ថានភាពនយោបាយ សេដ្ឋកិច្ច សន្តិសុខសង្គម និងសណ្តាប់ធ្នាប់សាធារណៈដ៏ល្អប្រពៃដែលកម្ពុជាមាននាពេលបច្ចុប្បន្ន ក៏ដូចជាការធានានូវសុខសុវត្ថិភាពជូនដល់អ្នកទេសចរ និងវនិយោគិនអន្តរជាតិរបស់រាជរដ្ឋាភិបាលកម្ពុជា។

ប្រមុខក្រសួងមហាផ្ទៃ បញ្ជូនថ្នាក់ដឹកនាំនគរបាលមួយក្រុម ចេញទៅប្រចាំការគាំទ្រ ឯកឧត្តម ខេង សុមេធ ដែលកំពុងដឹកនាំនគរបាលការពារព្រំដែនជាមួយកងទ័ព! ចេញផ្សាយ ថ្ងៃទី ០៧ ខែ មិថុនា ឆ្នាំ ២០២៥ ប្រតិបត្តិតាមគោលការណ៍ឯកភាពដ៏ខ្ពង់ខ្ពស់ ពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិបានចេញលិខិតបង្គាប់ការ ចាត់តាំងក្រុមការងារប្រចាំការ ដើម្បីគាំទ្រដល់កម្លាំងនគរបាលការពារព្រំដែន ដែលកំពុងឈរជើងប្រចាំទិសភូមិភាគ៣ ភូមិភាគ៤ និងភូមិភាគ៥ តាមខ្សែបន្ទាត់ព្រំដែនភាគខាងលិចប្រទេស។ យោងតាមលិខិតបង្គាប់ការចុះថ្ងៃទី៥ ខែមិថុនា ឆ្នាំ ២០២៥ ក្រុមការងារប្រចាំការនេះ មានឧត្តមសេនីយ៍ឯក ឡោ សុខឡេង អគ្គស្នងការរងនគរបាលជាតិ ជាប្រធាន និងឧត្តមសេនីយ៍ឯក ប៊ុនប៉ា ម៉ារីលុច ជាអនុប្រធាន ព្រមទាំងសមាជិកថ្នាក់ឧត្តមសេនីយ៍៤រូបទៀត។ អគ្គស្នងការបានចង្អុលភារកិច្ចឱ្យក្រុមការងារនេះឧបត្ថម្ភគាំទ្រដល់កងកម្លាំងនគរបាលការពារព្រំដែន ដែលកំពុងឈរជើងប្រចាំទិសភូមិភាគទាំង៣ ដឹកនាំដោយ ឯកឧត្តម នាយឧត្តមសេនីយ៍ ខេង សុមេធ អគ្គស្នងការរងនគរបាលជាតិទទួលដឹកនាំ ការងាររបស់នាយកដ្ឋានកណ្តាលនគរបាលព្រំដែន។ បើតាមលិខិតបង្គាប់ការដដែល…

ឯកឧត្តម រដ្ឋមន្ត្រី នេត្រ ភក្ត្រា ដឹកនាំប្រតិភូក្រសួងព័ត៌មាន ជួបប្រជុំពិភាក្សាការងារ និងពិគ្រោះយោបល់ជាមួយគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា ដើម្បីចូលរួមស្ថាបនា និងពង្រឹងវិស័យព័ត៌មាន និងសោតទស្សន៍នៅកម្ពុជាឲ្យកាន់តែរឹងមាំ និងរីកចម្រើនបន្ថែមទៀត, (ភ្នំពេញ)៖ ឯកឧត្តម រដ្ឋមន្ត្រី នេត្រ ភក្ត្រា បានដឹកនាំប្រតិភូក្រសួងព័ត៌មាន អញ្ជើញជួបប្រជុំពិភាក្សាការងារ និងពិគ្រោះយោបល់ជាមួយគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា ដឹកនាំដោយ ឯកឧត្តម សួស យ៉ារ៉ា ប្រធានគណៈកម្មការទី៥ នៃរដ្ឋសភា ដើម្បីចូលរួមមតិយោបល់ស្ថាបនា និងបន្តពង្រឹងវិស័យព័ត៌មាន និងសោតទស្សន៍នៅកម្ពុជា កាន់តែ ឲ្យកាន់តែរឹងមាំ និងរីកចម្រើនបន្ថែមទៀត។ កិច្ចប្រជុំពិភាក្សារវាង គណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាននៃរដ្ឋសភា ជាមួយ ក្រសួងព័ត៌មាន បានធ្វើឡើងនៅរសៀលថ្ងៃទី៦ ខែមិថុនា ឆ្នាំ២០២៥ នាសាលសន្និសីទបាយ័ន នៃវិមានរដ្ឋសភា ដោយមានការអញ្ជើញចូលរួមពី ឯកឧត្តម លោកជំទាវ មកពីគណៈកម្មាធិការចំនួន ៩ នៃរដ្ឋសភាផងដែរ៕ BY:…

ក្រុមការងារយេនឌ័ររបស់ក្រសួងមុខងារសាធារណៈប្រជុំពិភាក្សាលើផែនការយុទ្ធសាស្រ្តដើម្បីបញ្ជ្រាបយេនឌ័រក្នុងវិស័យមុខងារសាធារណៈ នាព្រឹកថ្ងៃទី៦ ខែមិថុនា ឆ្នាំ២០២៥ លោកជំទាវ សៅ សុគន្ធារី រដ្ឋលេខាធិការ និងជាប្រធានក្រុមការងារយេនឌ័រនៃក្រសួងមុខងារសាធារណៈ បានដឹកនាំកិច្ចប្រជុំពិភាក្សាទៅលើការកែលម្អសេចក្តីព្រាងផែនការយុទ្ធសាស្រ្តដើម្បីបញ្ជ្រាបយេនឌ័រក្នុងវិស័យមុខងារសាធារណៈ។ កិច្ចប្រជុំបានប្រព្រឹត្តទៅនៅទីស្តីការក្រសួងដោយមានការចូលរួមពី ថ្នាក់ដឹកនាំ និងក្រុមងារងារយេនឌ័រ មានចំនួនសរុប ២០នាក់។ សេចក្តីព្រាងផែនការយុទ្ធសាស្ត្រនេះ​ គឺជាគោលដៅមួយក្នុងការបញ្រ្ជាបយេនឌ័រវិស័យមខុងារសាធារណៈ និងជាក្របខណ្ឌការងារដ៏មានសារៈសំខាន់សម្រាប់គ្រប់អ្នកពាក់ព័ន្ធទាំងអស់។ ផែនការនេះមិនត្រឹមតែឆ្លុះបញ្ចាំងពីការទទួលស្គាល់ និងភាពចាំបាច់ដើម្បីធ្វើឱ្យមានការផ្លាស់ប្តូរសេដ្ឋកិច្ច-សង្គមកិច្ច និងនយោបាយជាវិជ្ជមានចំពោះស្ត្រីប៉ុណ្ណោះទេ តែថែមទាំងបានផ្តល់ផងដែរ នូវទិសដៅ និងការណែនាំ​ ធ្វើយ៉ាងណាដើម្បីសម្រេចបាននូវសមភាពយេនឌ័រក្នុងវិស័យមុខងារសាធារណៈទាំងមូល៕